Bab 1 Crita Ramayana Lakon Jatayu (ditulis & diwoco)

A. Epos Ramayana. Ramayana dumadi saka tembung Rama lan Ayana kang tegese lelakune sang rama. Ramayana dumadi saka basa sangsekerta. Ing tlatah jawa, naskah ramayana paling tuwa tinemu yaiku kakawin Ramayana kang awujud tembung gedhe. Kakawin ditulis nganggo basa jawa kuna ing jawa tengah lan diarani adikakawin amarga kaanggep kang kapisan lan dawa dhewe. Crita Ramayana uga katatah ing candhi Prambanan, ing candhi Prambanan iki, uga kagelae Sendratari Ramayana ing platarane. 1. Paraga crita Ramayana a. Dewi Sinta. Dewi Sinta duweni dasanama Dewi Janaki. Dewi sinta iku putrane prabu janaka kang duweni kadigdayan ora bisa kobong. Watake Dewi Sinta yaiku setya marang garwane, temen, prasaja, sabar lan narima.